brainhellhole overspill

kung ayaw mo na,

i-text mo na lang.

isosoli ko na lang

ang kaligayahang hiniram ko sa’yo.

tutupiin ko na

ang mga pahina ng

mga pangarap na iginuhit ko

para sa ating dalawa.

kung ayaw mo na,

i-text mo na lang.

napansin ko kasi,

magmula nung makalawa,

mapakla na.

me nasabi ba ako,

o me ginawa,

o me kulang ba?

o napagtanto mo

na di ka na masaya.

i-text mo na lang,

kung wala na talaga.

pipikit na lang ako

at iiyak.

dahila mahal pa kita.

~ by geniusness on May 13, 2008.